Mesrûr Barzanî û Recep Tayyîp Erdogan civiyan

Hewlêr (Rûdaw) - Serokwezîrê Herêma Kurdistanê Mesrûr Barzanî û Serokomarê Tirkiyê Recep Tayyip Erdogan li Stenbolê civiyan.

Îro Înê 15.04.2022, Serokwezîrê Herêma Kurdistanê Mesrûr Barzanî serdana Tirkiyê kir û li Qesra Dolmabahçeyê ya li Stenbolê bi Serokomarê Tirkiyê Recep Tayyip Erdogan re civiya.

Di hevdîtinê de rewşa Iraq û navçeyê û pêwendiyên di navbera Herêma Kurdistanê û Tirkiyê hatin gotûbêjkirin.

Herwiha herdu aliyan tekezî li ser berfirehkirina derfetên hevkariyê ji bo ewlehî û aramiya navçeyê hat kirin.

Mesrûr Barzanî û Recep Tayyîp Erdogan daxwaziya xwe ji bo pêşxistina hemahengî û peywendiyên dualî li ser esasê berjewendiyên hevbeş di hemû waran de bi taybetî di warê aborî û bazirganî de nîşan dan.

Mesrûr Barzanî got: "Di civînê de me behsa rewşa Îraq û deverê û têkiliyên navbera Herêma Kurdistanê û Tirkiyeyê kir û me teqezî li ser berfirehkirina derfetên hevkarî bo ewlekarî û aramiya deverê kir.”

Serokwezîrê Herêma #Kurdistan`ê Mesrûr #Barzanî li Stenbolê bi Serokkomarê Tirkiyê Recep Tayyîp Erdogan re civiya pic.twitter.com/t0SJIQfcOi

— RudawKurdi (@RudawKurdi) April 15, 2022

Li aliyê din Serêkwezîrê Herêma Kurdistanê Mesrûr Barzanî jî di derbarê civînê de li ser hesabê xwe yê Twitterê parvekirinek kir.

Serokwezîr di tweeta xwe de wihe dibêje “Min bi Serokomar Erdogan re li ser geşedanên herêmî û potansiyela têkiliyên me yên dualî danûstendineke berhemdar kir. Me derfetên nû ji bo zêdekirina bazirganiya dualî û veberhênanê vekolîn.”

I had a productive exchange with President @RTErdogan on regional developments and the potential of our bilateral relations.

We explored new opportunities to increase bilateral trade and investment. pic.twitter.com/ec93kcYqHA

— Masrour Barzani (@masrour_barzani) April 15, 2022

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger