Tirkiye
Kesên ku dixwazin ji derveyî partiyên siyasî bibin berbijêrê Serokkomariyê divê herî kêm 100 hezar îmzeyan kom bikin.
Hewlêr (Rûdaw) - Serokê Desteya Bilind a Hilbijartinên Tirkiyê ragihand ew kesên ku dixwazin di hilbijartinan de bibin berbijêrê Serokkomariyê divê 550 hezar û 980 lîre yên Tirkî bidin. Kesên ku dixwazin bibin berbijêrên serbixwe yên Parlamenteriyê jî divê 55 hezar û 598 lîreyên Tirkî bidin.
Piştî zelalbûna dîroka hilbijartinên giştî yên Tirkiyê wek 14ê Gulanê Desteya Bilind a Hilbijartinên Tirkiyê dest bi amadekariyan kiriye. Di vê çarçoveyê de jî proseya serlêdanên bo berbijêriya Parlamenteriyê û Serokkomariyê destpêkirine. Lê kesên dixwazin xwe bo van herdu postan bikin berbijêr divê berî wê beşek pere bidin daku mafê berbijêriyê bidestbixin.
Serokê Desteya Bilind a Hilbijartinên Tirkiyê Ahmet Yener roja Sêşemê 14ê Adara 2023an di daxuyaniyeke çapemeniyê de ragihand divê berbijêrên postê Serokkomariyê yên ku ji aliyê dengderan ve wek berbijêr tên nîşandan 550 hezar û 980 lîre yên Tirkî ku dike derdora 21 hezar û 100 dolarên Amerîkî bidin.
Herwiha her kesekî ku bixwaze bi awayek serbixwe ji bilî partiyên siyasî bibe berbijêrê parlamenteriyê jî divê 55 hezar û 598 lîreyên tirkî bidin ku ew jî dike 3 hezar û 200 dolarên Amerîkî bide.”
Serlêdanên bo postê Serokkomariyê yên ji derveyî partiyên siyasî ku ji aliyê dengderan ve wek berbijêr tên nîşandan 20 Adara 2023an bi dawî dibin û Desteya Bilind a Hilbijartinan 30ê Adara 2023an lîsteya demkî ya berbijêrên Serokomariyê eşkere dike.
Kesên ku dixwazin ji derveyî partiyên siyasî bibin berbijêrê Serokkomariyê divê herî kêm 100 hezar îmzeyan kom bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse