Hewlêr (Rûdaw) – Li Stenbolê û Şirnexê 26 kes ji endam û rêveberên HDPê bi tohmeta têkiliya wan bi terorê û PKKê re hatin desteserkirin.
Îro 15ê Sibata 2022ê li hejmarek parêzgeh û navçeyên Tirkiye û Bakurê Kurdistanê operasyon hatin kirin û hejmareke zêde kes hatine desteserkirin.
Li navçeya Esenyurtê ya Stenbolê polîsan bi ser hejmarek navnîşanan de girtin û rojnamevan û rêveberên HDPê jî di nav de 20 kes hatin desteserkirin.
Hevserokê Komeleya Piştgiriya Malbatên Girtiyan a Marmarayê (MATUHAYDER) Esin Çelik û 9 endam û rêveberên Partiya Demokratîk a Gelan (HDP) jî di nava kesên desteserkirî de ne.
Li gor agahiyan kesên hatine desteserkirin bo Rêveberiya Emnî ya Stenbolê hatine birin û kar û barên yasayî berdewam in.
Endam û Rêveberên HDPê ku hatine desteserkirin: Endamê Navenda HDPê Çiçek Ariç, rêveberên rêxistina navçeya Esenyurtê ya HDPê Çayan Yilmaz, Murat Turgut, Taner Karataş, Metin Burukanli, Abdullah Arinan, Kiyasattin Kurt û Selami Yaman.
Li parêzgeha Şirnexê ya Bakurê Kurdistanê jî 6 kes bi îdîaya endamtiya PKKê hatin desteserkirin û li Stenbolê derbarê 22 kesan de bi îdîaya endamtiya YPGê biryara desteserkirinê hat dayîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse