Hevserokê DEM Partiyê yê Germencîkê ji banê febrîqeyê ket û wefat kir
Hewlêr (Rûdaw) - Hevserokê DEM Partiyê yê navçeya Germencîkê ya Aydinê Nîhat Demîr ji ser banê febrîqeyê ket û wefat kir.
Li gorî nûçeya Ajansa Mezopotamyayê (MA), dema ku Nîhat Demîr li navçeya Turgutluyê ya Manîsayê li ser banê febrîqeyekê dixebitî ket xwarê û bi giranî birîndar bû.
Tîmên tenduristiyê Nîhat Demîr bi ambulansê bir Nexweşxaneya Dewletê ya Turgutluyê.
Demîr li nexweşxaneyê tevî hemû midaxaleyan canê xwe ji dest da.
Her wiha hat zanîn ku cenazeyê Demîr li navçeya Germencîkê hatiye veşartin.
Li aliyê din, DEM Partiyê jî li ser Nîhat Demîr peyamek belav kir û ji malbata wî re sersaxî xwest.
Her wiha DEM Partiyê mirina Demîr wekî cînayeteke kar bi nav kir û tekez kir ku ew dê bibin şopînerên cînayetên kar.
Germencik İlçe Eş Başkanımız ve mücadele arkadaşımız Nihat Demir'i bugün iş cinayetinde yitirdik. Ailemizin ve halkımızın başı sağolsun.
— DEM Parti (@DEMGenelMerkezi) October 13, 2024
Açlığa ve yoksulluğa mahkum edilen halkımızın, aşırı kar hırsı nedeniyle rutinleşen iş cinayetlerinde yitip gitmesine seyirci kalmayacağız. İş… pic.twitter.com/ywoTjDIMtC