Bilgen: Erdogan bo paşmayên Qaîde danûstandin û bo Kurdan kuştinê rewa dibîne

Navenda Nûçeyan - Wekîlê Serokê Fraksyona HDPê li Parlamentoya Tirkiyê ragihand ku Erdogan û desthilata wî bo paşmayên Qaîde danûstandinê dikin û bo Kurdan jî kuştin û birînê rewa dibînin.

Wekîlê Serokê Fraksyona Partiya Demokratîk a Gelan (HDP) Ayhan Bîlgen di kongreya rêxistina Dêrsimê ya partiya xwe de gotarek pêşkêş kir.

Ayhan Bîlge wiha got: "Erdogan û desthilata wî, li Idlibê û navçeyên din ên Sûriyê hemû tiştek kirin daku berevaniyê li paşmayên Qaîde û terorîstan bikin, lê ku dora Kurdan tê, kuştin, birîn û jinavbirinê rewa dibînin."

Derbarê azadkirina qeşe Amerîkî Andrew Brunson de jî Bîlgen got: "Azadkirina qeşe Brunson, ku qaşo bi tohmeta terorê du sal dibe hatibû desteserkirin, îspat dike ku dadgeha Tirkiyê bi ti awayekî ne azad e û di jêr kontrola desthilatê de ye. Ev yek jî cihê şermezariyê ye."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger