Hewlêr (Rûdaw) - Hevserokê berê yê HDPê Selahattin Demirtaş got, “Min dengê xwe da, lê we?”
Hevserokê berê yê Partiya Demokratîk a Gelan (HDP) Selahattîn Demîrtaş ê ku li Girtîgeha Tîpa F a Edîrneyê girtî ye, li ser hesabê xwe yê Twitterê ragihand ku wî di Hilbijartina Serokomariyê û Hilbijartina Xula 28an a Parlamenteriyê de dengê xwe daye.
Demirtaş wêneyekî xwe yê ku di hilbijartinên berê de dema dengdayînê girtibû parve kir û got, “Min dengê xwe da, lê we?”
Ben oyumu kullandım, ya siz? pic.twitter.com/CgLT3GUWEt
— Selahattin Demirtaş (@hdpdemirtas) May 14, 2023
Di hilbijartinên serokkomarî û parlamenteriyê yên Tirkiyê de; hejmara sindoqan 191 hezar û 884, hejmara dengdêran 60 milyon û 697 hezar û 843, hejmara dengdêrên jin 30 milyon û 710 hezar û 790 ku ji sedî 50.60ê dengdêran dike, hejmara dengdêrên mêr 29 milyon û 987 hezar û 790 ku ji sedî 49.40ê dengdêran e.
Her wiha hejmara kesên ku dê yekem car dengê xwe bibin 4 milyon û 904 hezar û 672, hejmara kesên xwedan pêdiviya taybet 989 hezar, dengdêrên ku ji 75 salî mezintir in 3 milyon û 180 hezar û 802 e. Hejmara sindoqan jî 191 hezar 884, hejmara sindoqên gerok 421 û hejmara girtiyên ku mafên wan ên dengdanê heye 53 hezar û 172 kes in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse