Navenda Nûçeyan – Parlamenterê Partiya Demokratîk a Gelan (HDP) yê Amedê Altan Tan, piştî pevçûna li Agirî, banga paşve vekişane li PKK kir.
Altan Tan duhî bû mevanê bernameya CNN Turk a bi navê “Tarafsiz Bolge” û derbarê pevçûna li Çiyayê Tendurek a Agiriyê a navbera hêzên leşkerî yên Tirkiyeyê û gerîllayên PKKê de axivî.
Tan banga PKK kir û wiha got: “Em ji PKK re vê yekê dibêjin. Divê em vê mijarê de zelal bin. Divê xwe ji vê rewşa alozî û tarî xwe paşve vekişîne û rê nede bûyerên wiha rû bidin.”
11ê Nîsanê li çiyayê Tendûrekê li herêma Agirî ya Bakurê Kurdistanê, pevçûn di navbera gerîlayên PKKê û hêzên artêşa Tirkiyê de derketibû. Di encamê de Berpirsê berê yê HDPê li navçeya Diyadînê ya Agirî, Cezmî Budak û gerîlayekê PKK şehîd ketibû û sivilek û 4 leşkerên Tirkiyeyê jî birîndar bibûn.
Hin siyasetmedar dibêjin, heta hilbijartinên 7ê Hezîranê dibe ku pevçûn zêdetir bibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse