Hewlêr (Rûdaw) - Li Bakurê Kurdistanê û Tirkiyê rojên betlaneyên Cejna Qurbanê hatin diyarkirin û Serokomarê Tirkiyê Recep Tayyip Erdogan ragihand ku dê betlaneya Cejna Qurbanê 9 roj bin.
Kabîneya Serokomariyê ya Tirkiyê roja Duşemê 12ê Tîrmehê bi serokayetiya Erdogan civiya û di nav de rojên betlaneya cejnê hinek biryarên nû hatin stendin.
Erdogan piştî civîna Kabîneya Serokomariyê biryarên nû ji medyayê re ragihandin.
Erdogan got, “Biryar hat dayîn ku betlaneya cejna qurbanê 9 roj bin. Dê gelê me ji 16 Temûzê roja Înê heta 26 Temûzê roja Duşemê di betlaneyê de be. Herwiha dê di cejnê de bi kar anîna rêyên otoban û piran belaş be û hemwelatî dikarin ji roja îniyê ve otoban û piran bi belaşî bi kar bînin.”
Li ser bêrêziya li beramber dêra ermeniyan jî, Erdogan ev tişt wek “provokasyon” bi nav kir û got, ol û baweriya wan çi dibe bila biba bêrêzî li beramber nayê qebûlkirin.
Roja Sêşemê 20ê Tîrmehê Cejna Qurbanê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse