Ev 4 rojin TRT6 bê nûçe ye

Hewlêr (Rûdaw)- Şerê navbera Serokwezîrê Tirkiyê Receb Teyib Erdogan û Fethullah Gulen ku bi operasyonê 17ê kanûna 2013an destpêkir, gihişte televizyona TRT6 jî.

Ev îro 4 rojin ku nûçe di ekrana TRT6 de nayên weşandin.

Çavkaniyekê ji nav televizyona TRT6 ji Tora Medyayî ya Rûdawê re ragihand ku girêbesta navbera TRT6 û ajansa Cihan jî hatiye hilweşandin.

Bi gotina çavkaniyê, krîza niha di TRT6 de derketiye holê girêdayî şerê di navbera cemaata Gulen û AKPê ye.