Ji bo hevpeymanên HDPê 12 şaredarî hatine destnîşankirin

Hewlêr (Rûdaw) - Li Bakurê Kurdistanê piştî ragihandina hevpeymaniyê di navbera 7 rêxistin û partiyên Kurdî de HDPê heta niha bi tenê berbijêr bo 41 bajar û bajarokan destnîşan kirine. Li gor agahiyê berdest partiyên din ên Bakurê Kurdistanê berbijêrên xwe ji bo 12 şaredariyan destnîşan bikin.

Ji wan berbijêran kes ji 7 partiyên din nehatiye diyarkirin ku hevpeymanî ligel HDPê ragihandine. Li gorî zanyariyên ku hatine belavkirin, dê partiyên din ên Bakurê Kurdistanê berbijêrên xwe ji bo 12 şaredariyan destnîşan bikin ku hemû jî şaredariyên navçeyan in.

Di demekê de ku zêdeyî du meh mane ji hilbijartina şaredariyên Bakurê Kurdistanê û Tirkiyê re, roja 7ê Çileya 2019ê Partiya Demokratîk a Gelan/HDPê û 7 partiyên siyasî yên Bakurê Kurdistanê hevpeymaniyek pêkanîn.

Hevpeymanî li ser bingehê çend xalan hat ragihandin û Hevseroka HDPê Pervin Buldan hêvî kir ku ev hevpeymaniya han ne tenê bo hilbijartina şaredariyan be.

Li aliyê din HDPê heta niha berbijêr bo 41 bajar û bajarokan destnîşan kirine ku van cihan li xwe digirin.

HDPê li sînorên van parêzgehan berbijêrên xwe destnîşan kirine

Wan û 7 bajarokên wê

Mêrdîn û 4 bajarokên wê

Qers

Mûş û 3 bajarokên wê

Êlih

Bedlîs û 1 bajarokê wê

Colemêrg û 4 bajarokên wê

Agirî û 2 bajarokên wê

Meletî û 1 bajarokê wê

Şirnex û 5 bajarokên wê

Amed û 7 bajarokên wê

Çewlig û 1 bajarokê wê

Erzîngan û 1 bajarokê wê

Ji wan berbijêran kes ji 7 partiyên din nehatiye diyarkirin ku hevpeymanî ligel HDPê ragihandine.

Herçiqas tê gotin ku li 12 bajarokan berbijêrên wan 7 partiyan tên ragihandin, lê heta niha ti mekanîzmayek bo wî karî nehatiye zelalkirin. Li gor rojjimêra Komisyona Bilind a Hilbijartinan jî, dema dawî bo wergirtina lîsteya berbijêran 3ê Adara 2019an e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger