Dosyayên parêzbendiyê yên nû gihiştin Parlamentoya Tirkiyê

Hewlêr (Rûdaw) - Dosyayên bo daxwaza rakirina parêzbendiya 25 parlementerên ku piranî parlamenterên HDPê,  ji serokayetiya parlementoyê re hatin pêşkêşkirin.

34 dosyeyên ku daxwaza rakirina  parêzbendiya 23 parlamenteran dikin ku Hevseroka Giştî ya HDPê Pervin Buldan jî di navê de ye, pêşkêşî Serokatiya Parlamentoya Tirkiyê hatin kirin.

Biryarnameya Serokomariyê ya di derbarê rakirina parêzbendiya yasayî, ji aliyê serokatiya parlemantoyê ve ji Komusyona Hevbeş ya Destûr û Dadê re hate şandin.

Di nava van dosyayan de 21 di derbarê Parlemanterên HDPê, 1 yê CHP, 1 yê Partiya Zaferê, 1 yê Partiya Herêmên Demokratîk DBPê û 1yê Partiya Karkerên Tirkiyê (TIP)  de ne.

Parlementerên ku daxwaza rakirina parêzbendiya wan tê kirin bi vî awayî ne:

Hevseroka HDPê Pervin Buldan, Serokê Partiya Zaferê Umit Ozdag, Hevseroka DBPê û Parlemantera Amedê Salihe Aydeniz, Parlemantera HDPê ya Sêrtê Meral Daniş Beştaş, Parlemanterê CHPê yê Mêrsînê  Ali Mahir Başarir, Parlemantera HDPê ya Agirî Dirayet Dilan Taşdemir, Parlemanterê HDPê  yê Agirî Abdullah Koç, Parlemanterê HDPê yê Îdirê Habip Eksik, Parlemanterê HDPê yê Şirnexê Huseyin Kaçmaz, Parlemanterê HDPê yê Stenbolê Musa Piroglu, Parlemanterê HDPê yê Wanê Murat Sarisaç, Parlemantera HDPê ya Muşê  Gulistan Kiliç Koçyigit, Parlemanterê HDPê yê Wanê Sezai Temelli, Parlemantera HDPê ya Êlihê Feleknas Uca, Parlemanterê HDPê yê Agirî Berdan Ozturk, Parlemanterê HDPê yê Dêrsimê Alican Onlu, Parlemanterê HDPê yê Antalya Kemal Bulbul, Parlemanterê HDPê yê Rihayê Omer Ocalan, Parlemanterê HDPê yê Îzmîrê Murat Çepni, Parlemantera HDPê ya Amedê Dersim Dag, Parlemantera HDPê ya Êlihê Ayşe Acar Başaran, Parlemantera HDPê ya Mêrsînê Fatma Kurtulan, Parlemantera HDPê ya Mêrdînê Ebru Gunay, Parlemantera HDPê ya Amedê Remziye Tosun û Parlemanterê TİPê yê Stenbolê Ahmet Şik in.

Ji bo rakirina parêzbendiyê di derbarê hinek parlemanteran de zêdeyî yek dosyayê heye. Di derbarê Salihe Aydeniz û Gulistan Kiliç Koçyigit de 3 û di derbarê Feleknas Uca, Berdan Ozturk, Alican Onlu, Murat Çepni û Ayşe Acar Başaran de 2 dosya hene.