Hewlêr (Rûdaw) - Parlamenterê Alman Nils Schmid, ji ber zext û êrişên dijî Partiya Demokratîk a Gelan (HDP) bi armanca piştgiriyê serdana rêxistina HDP'ê ya Îzmîrê kir.
Şaxa Îzmirê ya Partiya Demokratîk a Gelan (HDP) li ser hesabê xwe yê medya civakî peyamek belav kir ku Parlamenterê Alman bi armanca piştgiriya partiya wan serdan kiriye.
Berdevkê Peywendiyên Derve yê Partiya Sosyal Demokrat (SPD) û parlamenterê Parlamentoya Federal a Almanyayê Nils Schmid, bi armanca piştigiriyê serdana HDPê kir û ji aliyê parlamenterê HDPê Serpil Kemalbay û Hevserokên şaxa Îzmîr ya HDPê Besriye Tekgur û Kadrî Baydur hate pêşwazî kirin.
Schmid diyar kir ku ew weke partî her dem piştevaniya kesên ku bi rêya sîyasî û aştiyê têkoşîna xwe bi rêve dibin dikin.
Li gor hatiye ragihandin Besriye Tekgur û Kadrî Baydûr jî amaje pê kirine ku ziyareta piştevaniyê ji bo gelan girîng e û derbarê partiya xwe de hem jî derbarê polîtîkayên zextê yên desthilatê de agahî dane parlamenterê Alman Schmid.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse