Hewlêr (Rûdaw) - Li navçeya Pozanti ya ser bi parêzgeha Edenê li ser rêya sereke 4 otomobîl, 2 wesayetên polîsan û 2 kamyonetan li hev qelibîn û di encamê de 7 kesan canê xwe ji dest dan û 7 kes jî birîndar bûn.
Li gor agahiyan roja Pêncşemê 11ê Gulana 2023an li ser rêya Edene-Pozantiyê agir bi barhilgirekê ketiye û li ser agahdarkirinê tîmên agirvemirandinê çûne cihê bûyerê. Lê di dema midexaleya tîmên agirvemirandinê de li ser heman rêyê 50 metre nêzîkî cihê bûyerê 2 kamyonet, 4 otomobîl û 2 wesayetên polîsan li hev qelibîne.
Tîmên ku li cihê bûyerê amade bûne midexaleya wê bûyerê jî kirine û tîmên tendirûstiyê jî hatine agahdarkirin.
Li gor lêkolîna destpêkê 7 kesan li cihê bûyerê canê xwe ji dest dane û 7 kes jî birîndar bûne. Kesên birîndar bo nexweşxaneyan hatine veguhestin.
Li gor zanyariyan ji ber her du bûyeran rêya ber bi Enqerê bo demekê hatiye girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse