Hewlêr (Rûdaw) – Serokê Herêma Kurdistaanê Nêçîrvan Barzanî bi Serokkomarê Tirkiyeyê Recep Tayyîp Erdogan re civiya.
Serokê Herêma Kurdistanê Nêçîrvan Barzanî, bi vexwendineke fermî ji bo beşdariya 4emîn Foruma Dîplomasiyê ya Antalyayê gihiştibû Tirkiyeyê.
Îro 4emîn Foruma Dîplomasiyê ya Antalyayê bi serperiştiya Serokkomarê Tirkiyeyê Recep Tayyîp Erdogan û Wezîrê Karên Derve yê Tirkiyeyê Hakan Fîdan dest pê kir.
4 hezar mêvanên navxwe û biyanî ku di nava wan de 20 serok û serokwezîr, 50 wezîrên karên derve yên welatan, 70 wezîrên din ên welatan, 60 nûnerên payebilind ên rêxistinên navneteweyî beşdarî forumê bûn.
Serokê Herêma Kurdistanê Nêçîrvan Barzanî jî di nava wan 20 serok û serkirdeyên ku bi fermî ji aliyê Hikûmeta Tirkiyeyê ve hatine vexwendin de ye.
Serokkomarê Tirkiyeyê Recep Tayyîp Erdogangotara destpêkê ya 4emîn Foruma Dîplomasiyê ya Antalyayê (ADF2025) pêşkêş kir.
Serokê Herêma Kurdistanê Nêçîrvan Barzanî û Serokkomarê Tirkiyeyê Recep Tayyîp Erdogan pêwendiyên dualî û rewşa herêmê gotûbêj kirin.
Di her sê rojên 4emîn Foruma Dîplomasiyê ya Antalyayê (ADF2025) de 52 panel dê bên lidarxistin.
Gelek mijarên girîng ên wekî guherîna avhewayê, têkoşîna li dijî terorê, ewlehiya xwarinê û hişê çêkirî dê bên nîqaşkirin.
Foruma yekem a Dîplomasiyê ya Antalyayê sala 2021ê, foruma duyem di rojên 11-14ê Adara 2022yan, sala 2023yan ji ber erdhejên li Tirkiye û Bakurê Kurdistanê nehat lidarxistin û foruma sêyem jî di rojên 1-3yê Adara 2024an de hat lidarxistin.
Serokê Herêma Kurdistanê di çarçoveya forumê de dê bi gelek serkirde û berpirsên cihanê û herêmê re civînên dualî pêk bîne.
#WÊNE - Serokkomarê Tirkiyeyê Recep Tayyîp Erdogan Serokê Herêma Kurdistanê Nêçîrvan Barzanî pêşwazî kir
— RudawKurdi (@RudawKurdi) April 11, 2025
📌Nêçîrvan Barzanî tevî gelek serkirdeyên cihanê û herêmê tevlî Foruma Dîplomasiyê ya Antalyayê bûye pic.twitter.com/91AUlwQY4n
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse