Hewlêr (Rûdaw) - Li navçeya Gebzeyê ya parêzgeha Kocaeliyê ya Tirkiyeyê agir bi depoyeke lojîstîkê ket.
Ji ber berhemên kîmyewî yên di depoyê de vemirandina agir zehmet bûye û tîmên hewl didin kontrol bikin.
Ji ber sedemeke nediyar li taxa Barişê ya Gebzeyê agir bi depoyeke lojîstîkê ket.
Li ser agahdarkirinê gelek tîmên Parastina Sivîlan, tenduristiyê, AFAD û polîs çûn cihê bûyerê.
Tîman dest bi karûbarên vemirandina agir kirin lê heta niha agir nehatiye kontrolkirin.
Qeymeqamê Gebzeyê Mehmet Ali Ozyigit li ser bûyerê ji medyayê re axivî û got:
“Cihê depo lê ye 21 hezar metre çargoşe ye. Ji destpêkê ve hemû saziyên dewleta me bi taybetî AFAD û Parastina Sivîlan tedbîrên pêwîst wergirtine.”
Ozyigit da zanîn ku mirî û birîndar nînin û got:
“Di hundir de kesekî ku dixebite nîne. Li depoyê 2 nobedar hebûn ew jî derketine derve.”
Serokê Şaredariyê Zinnur Buyukgozê jî ragihand ku bi 47 wesayît û 130 personelan midaxelayî agir tê kirin.
Li navçeya Gebzeyê ya parêzgeha Kocaeliyê agir bi depoyeke lojîstîkê ket, tîm hewla vemirandinê didin pic.twitter.com/xRJcUzo9X0
— RudawKurdi (@RudawKurdi) December 9, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse