Hewlêr (Rûdaw) – Hevserokê Giştî yê DEM Partiyê Tuncer Bakirhan Serokê CHPyê rexne kir û got, “Gelo tu hewl didî siyaseta dijkurd birêxistin bikî?”
Hevserokê Giştî yê Partiya Gelan a Wekhevî û Demokrasiyê (DEM Partî) Tuncer Bakirhan di civîna koma partiya xwe de axivî.
Tuncer Bakirhan bal kişand ser çalakî û xwepêşandanên li dijî tayînkirina qeyûm a li Şaredariya Colemêrgê û got:
“Em dê dengê xwe bilindtir bikin. Meşa rêzgirtina ji îradeyê re çalakiya me ya dawî nîne û dê çalakî bidomin. Ji bo qeyûm êdî li tu herêman neyên tayînkirin a ji destê me tê em dê bikin.”
Serokê Giştî yê CHPyê Ozgur Ozel pêştir gotibû ku ew amade ye navbeynkariyê di navbera Serokkomarê Tirkiyeyê Recep Tayyîp Erdogan û Serokê Sûriyeyê Beşar Esed de bike.
Bakirhan rexne li vê helwesta Ozel girt û got:
“Me ya deshilatê fam kir lê niha jî serokê mixalefe di vê mijarê de ketiye nava hewldanan.,
Beriya çend rojan birêz Ozgur Ozel dibêje, ‘Ji bo ku hevdîtin di navbera Erdogan û Esad de çêbibin ez dikarom navbeynkariyê bikim’.
Ez jî dixwazim li vir li pêşiya hemû raya dixwazim bibêjim, birêz Ozel, Erdogan û Esad dixwazin li ser dijayetiya Kurdan hevdîtinan bikin û rê bi kevin.
Gelo hûn hewl didin vê siyaseta dijkurd birêxistin bikin?
Feydeyeke wê ji bo we û me û hemû gelên Tirkiyeyê tuneye.
Tişta divê hûn bikin ew e ku polîtîkaya Rojava-Sûriyeyê ber çavan re derbas bikin.
Ma ji we re maye hûn navbeynkariyê bikin da ku du dijberên Kurdan yên ku dixwazin li ser dijminatiya Kurdan bên cem hev?”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse