Hewlêr (Rûdaw) - Li navçeya Menderesê ya parêzgeha Îzmîrê ya Tirkiyeyê 3 otomobîlan li hev xist, 5 kes mirin û 2 kes jî birîndar bûn.
Li gorî agahiyan, îro li ser rêya Menderes û Seferhîsarê otomobîla bi şofêrtiya Ozkan Nazli û otomobîla bi şofêrtiya Sultan Baran a ku ji aliyê pêşber ve dihat li hev qelibîn.
Otomobîla bi şofêrtiya Ozkan Nazli pişt re jî li bin guhê otomobîla bi şofêrtiya S.U. da.
Di bûyerê de Ozkan Nazli û hevjîna wî Suna Nazli û Sultan Baran û her du xwîşkên wê yên di otomobîlê de Emine Baran û Fatma Baran mirin.
Her wiha E.D.D. û Z.N. jî birîndar bûn.
Li ser agahdarkirinê tîmên tenduristiyê, tîmên parastinê yên sivîl û cendirme çûn cihê bûyerê.
Piştî ku dozger li cihê bûyerê lêkolîn temam kir termê her 5 kesan birin meytxaneyê.
Her du birîndar jî ji bo dermankirinê veguhastin nexweşxaneyê.