Hewlêr (Rûdaw) - Şaredariya bajarê Enqerê ji ber egera barana zêde û lehiyê destûra hemû karmendên beşên peywendidar betal kirin. Herwiha li navçeya Golhisar a bajarê Burdurê yê Tirkiyê jî lehî rabû û hin kargeh û xanî di bin avê de man.
Di rojên derbasbûyî de li Enqereyê hişyariya barana zêde û lehiyê hatibû dayîn û piştre li kuçe û kolanên wî bajarî lehî rabûbû.
Şaredarê Bajarê Mezin ê Enqereyê Mansur Yavaş hişyariya lehiyê da û ragihand ku ew dê bi hişyarî xebatên xwe bidomînin.
Yavaş li ser hesabê xwe yê medya civakî daxuyaniyek da û tê de wiha dibêje:
“Hevwelatiyên hêja, Ji ber barana zêde ku tê çaverêkirin îro bibare, hemû destûrên yekîneyên me yên pêwendîdar hatine betalkirin. Em dê xebatên xwe di rewşa hişyarî de bidomînin û xwe yek bi yek bigihînin tevê îxbarên ku werin.”
Li aliyê din li navçeya Golhisar a bajarê Burdurê jî ji ber barana zêde ya ku ji duh êvarê ve dibare, lehî rabû û hin kargeh û xanî di bin avê de man.
Li gorî şaredariya Golhisarê nêzikî 50 xanî û 15 kargeh di bin avê de mane. Herwiha di hinek axuran de jî hinek pez ji ber lehiyê mirar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse