Tirkiye
Hevdîtina şanda partiya SPD a Almanyayê û berpirsên HDPê li Enqerê, roja Çarşembê 8ê Hezîrana 2022. Wêne: Twittera HDPê
Hewlêr (Rûdaw) - Şandeke Partiya Sosyal Demokrat (SPD) a Almanyayê serdana Partiya Demokratîk a Gelan (HDP) kir û ji aliyê Hevserokê HDPê Mithat Sancar ve hatin pêşwazîkirin.
Şanda partiya Almanî ya SPD ji Berdevkê Têkiliyên Derve yê partiyê Nîls Schmîd û yek ji rêveberên partiyê Frederich Ebert Stiftung pêkhatibû.
Şanda SPDê li navenda giştî ya HDPê li Enqerê bi Hevserokê wê Partiyê Mithat Sancar û parlamentera HDPê ya Êlihê Feleknas Uca re civiyan.
Partiya Demokratîk a Gelan HDPê derbarê serdana şandê de li ser twittera xwe ragihandiye, “Hevserokê Giştî yê me Mithat Sancar û Feleknas Uca pêşwazî li şanda di bin serokatiya Berdevkê Têkiliyên Derve yê Partiya Sosyal Demokrat a Almanya Nîls Schmîd û ji rêveberên partiyê Frederich Ebert Stiftung kirin.”
HDPê herwiha diyar kiriye, di civînê de herdu aliyan geşedanên li Tirkiyê û Rojhilata Navîn gotûbêj kirine û nêrînên xwe anîne ziman.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse