Hewlêr (Rûdaw) - Li bajarê Bartinê yê Tirkiyeyê du serwîsên karkeran li hev qelibîn.
Minîbûsa karkeran a bi şofêrtiya Necmi G. û serwîsa karkeran a bi şofêrtiya Erol A. îro li nêzîkî gundê Kurtkoyê yê Bartinê li hev qelibîn.
Her du minibus jî wergeriyan.
Di bûyerê de kesekî canê xwe ji dest da û 29 kes jî birîndar bûn.
Li ser agahdarkirina aliyên pêwendîdar, tîmên tenduristiyê û parastina sivîlan û polîs çûn cihê bûyerê.
Di kontrola tîmên tenduristiyê de derket ku şofêrê bi navê Necmi G. canê xwe ji dest daye.
Tîmên tenduristiyê 2 jê giran 29 kesên birîndar jî veguhastin nexweşxaneyan.
Hat ragihandin ku Serokê Şaredariya Bartinê Huseyîn Fahrî Firincioglu çû cihê bûyerê û ji berpirsan agahî wergirtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse