Li Îzmîrê qeza: 3 mirî, 11 birîndar
Hewlêr (Rûdaw) - Li navçeya Torbaliyê ya parêzgeha Îzmîrê ya Tirkiyeyê barhilgirekê li minîbûsa veguhestina karkeran da.
Di vê qezayê de 3 kes mirin û 11 kes jî birîndar bûn.
Li ser rêya parêzgehên Îzmîr û Aydinê dema barhilgirek derbasî cadeya din bû û li minîbûseke veguhestina karkeran qelibî.
Ev barhilgir piştre li diwarê xaniyekî rawestiya.
Li ser agahdarkirinê tîmên tendurûstiyê û polîs çûn cihê bûyerê.
Du kesan li cihê qezayê û kesekî jî li nexweşxaneyê canê xwe ji dest da.
Tîmên tendurûstiyê 11 birîndarên din jî veguhastin nexweşxaneyên cuda yên bajêr.
Li gorî agahiyan, ajokarê barhilgirê hatiye desteserkirin.