Hewlêr (Rûdaw) - Li navçeya Akdenîzê ya parêzgeha Mêrsînê ya Tirkiyeyê, bi hinceta “endamtiya PKKyê” 5 kes hatin desteserkirin.
Fermandariya Cendirmeyan a Mêrsînê ragihand, “Bi serpereştiya Serdozgeriya Komarê ya Mêrsînê îro operasyon hat kirin.”
Di çarçoveya operasyonê de hêzên ewlehiyê yên Mêrsînê, bi hinceta ku “wan zerer daye mal û milkên hikûmî” û “beşdarî çalakiyên kolanê” bûne bi ser malên 5 kesan de girt.
Di operasyonê de 5 kes hatin desteserkirin û hêzên ewlehiyê ew ji bo karên îfadewergirtinê birin Fermandariya Cendirmeyan a Mêrsînê.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl û siyasetmedarên Kurd desteser dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse