Hewlêr (Rûdaw) - Serokkomarê Tirkiyeyê Recep Tayyîp Erdogan û Serokê Ukraynayê Volodymyr Zelensky li Stenbolê civiyan.
Serokkomarê Tirkiyeyê Recep Tayyîp Erdogan li Stenbolê Serokê Ukraynayê Volodymyr Zelensky pêşwazî kir.
Her du serkirdeyan piştî hevdîtinê civîneke hevbeş a medyayê saz kir.
Erdogan diyar kir, ew amade ne ku bi beşdariya Rûsyayê mazûvaniya lûtkeyeke aştiyê bikin.
Serokkomarê Tirkiyeyê Recep Tayyîp Erdogan got:
“Min dubare anî ziman ku em piştgiriya yekparçeyî û serweriya Ukraynayê dikin. Mixabin bandorên neyînî yên şerê ku zêdetirî 2 salan e berdewam dike li asta herêmî û gerdûnî zêdetir dibin.”
Erdogan behsa mijarên bazirganî û veguhastina dexlûdanê Ukraynayê jî kir û ragihand:
“Di hevdîtina îro de em li ser pêwendiyên dualî jî axivîn. Tevî şer bazirganiya me bi awayekî berdewam dike û em ji vê yekê kêfxweş in.
Ji bo ku em bigihêjin armanca 10 milyar dolaran me li hev kir ku em hewlên xwe zêde bikin.”
Erdogan, Ukrayna wekî hevbeşekî stratejîk bi nav kir û di navbera her du welatan de rêkeftina bazirganî hat îmzekirin.
Erdogan herwiha destnîşan kir ku ew ji bo ji nû ve avakirina Ukraynayê amade ne tiştên pêwîst bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse