Li Muglayê erdhej çêbû

Hewlêr (Rûdaw) – Li navçeya Marmarîsê ya bajarê Muglayê yê Tirkiyeyê erd hejiya.

Serokatiya Rêveberiya Karesat û Rewşên Bilez a Tirkiyeyê (AFAD) ragihand ku navenda erdhejê Deryaya Spî ye.

Li gorî AFADê, erdhejê demjimêr 07:27an rû daye û hêza wê 4,4 pile bûye.

AFADê ragihand ku kûrahiya erdhejê 36 kîlometre bûye.

Erdhej li Muglayê bû sedema tirsê û bajarên derdorê jî pê hesiyan.