Hewlêr (Rûdaw) - Li parêzgeha Stenbolê ya Tirkiye 3 perestyarên ku kartên sexte yên vaksînê amade dikirin hatin girtin.
Li Tirkiye û Bakurê Kurdistanê di çarçoveya tedbîrên Coronayê de welatiyên ku derzî li xwe nexistine pêwîst e di geştên balafir û otobusan de testa PCR a Coronayê bikin, daku bikaribin geşta xwe bikin.
Gelek welatiyên ku naxwazin bi pereyekî zêde testa PCR bikin serî li rêyên neyasayî didin.
Di encama lêkolîn û şopandina hêzên emnî yên Tirkiyê de hat tespîtkirin ku li nexweşxaneyeke taybet a Stenbolê testên sexte tên amadekirin.
Hêzên ewlekariyê îro bi ser wê nexweşxaneya taybet de girtin û 3 perestyar û 3 kesên din ku bi organîze kartên sexte yên derziya Coronayê amade dikirin desteserkirin.
Her 3 perestyar ji aliyê dadgehê ve bi tohmeta gendelî û sextekariya di belgeyan de hatin girtin û her 3 kesên din jî bi mercên edlî hatin berdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse