Hewlêr (Rûdaw) - Li parêzgeha Stenbolê ya Tirkiyê mij û moran bandoreke nerênî li jiyana welatiyan dike û hişyarî hat dayîn ku welatî ji rewşê agahdar bin.
Li gor Rêveberiya Keşûhewayê dê ev rewş li hemû herêmên Tirkiye û Bakurê Kurdistanê bo demekê berdewam be û divê welatî hişyar bin.
Rêveberiya Ewlekariya Peravan ser bi Wezareta Veguhestin û Binesaziyê 5ê Mijdarê daxuyaniyek da û dibêje: “Li Tengava Stenbolê ji ber mij û moranê çûn û hatina keştiyan ji demjimêr 18:20 û pê ve dualî hatiye rawestandin.”
Rêveberiya Xizmetên Trafîka Keştiyan a Tengava Çanakkaleyê jî ragihand ku 6ê Mijdara 2021ê Tengava Çanakkaleyê jî ji ber mij û moranê li ber çûn û hatina keştiyan hatiye girtin û piştî rewş asayî bibe dê çûn û hatin dîsan destpê bike.
Li Bakurê Kurdistanê jî Rêveberiya keşûhewayê bi daxuniyekê diyar kir ku li herêmê hewa dê ewrsayî be û li bakurê herêmê jî hewa dê ewr be.
Li gor daxuyaniyê li parêzgehên Erzerom, Erzingan, Qers, Îdir, Dêrsim, Erdexan û Agirî yên Bakurê Kurdistanê mij û moran dê hebe. Aliyên peywendîdar hişyariyê didin welatiyan, bi taybetî jî şofêrên ser rêyan ku ji rewşa keşûhewayê agahdar bin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse