Hewlêr (Rûdaw) - Li bajarokê Pinarbaşi ser bi parêzgeha Qeyseriyê ya Tirkiyê otobûseke rêwiyan wergeriya û di encam de 3 kesan canê xwe ji dest dan û 19 kesên din jî birîndar bûn. Otobûs ji Meletiya Bakurê Kurdistanê ber bi bajarê Stenbolê ve diçû.
Bûyer berbanga îro Pêncşemê 6ê Nîsana 2023an li ser rêya serekî ya Kayserî-Meletiyê çêbû û plakeya otobûsê ya Stenbolê ye û ji parêzgeha Meletî ya Bakurê Kurdistanê ber bi Stenbolê ketibû rê. Li navçeya Karahalka ji kontrola şofêr derketiye û wergeriya ye.
Li ser agahdarkirinê tîmên Berevaniya Şaristanî û tendirûstî gehiştin cihê bûyerê û birîndar bo Nexweşxaneya Pinarbaşi hatin veguhestin. Li gor zanyariyên destpêkê di bûyerê de 3 kesan canê xwe ji dest dane û 19 kesên din jî birîndar bûne.
Otobûs ser bi Şaredariya Bagcilar a Stenbolê ye û piştî temambûna erkê wan li devera erdhejê, xwestine vegerin Stenbolê. Li gor amarên Rêveberiya Trafîkê ser bi Wezareta Navxwe ya Tirkiyê, di sala 2022an de li Bakurê Kurdistanê û Tirkiyê 485 hezar û 48 bûyerên trafîkê çêbûne.
Di hezar û 919 bûyeran de canjidestan û herwiha di 195 hezar û 11 bûyeran de jî birîndarbûn hebû. Di wan bûyerên trafîkê yên sala 2022an de bi giştî 2 hezar û 282 kesan canê xwe ji dest dane 291 hezar û 151 kesên din jî birîndar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse