Hewlêr (Rûdaw) - Li bajarê Stenbolê yê Tirkiyê 8 endam û alîgirên Partiya Demokratîk a Gelan (HDP) bi tohmeta endamtî û hevkarîkirina PKKê hatin desteserkirin.
Vê sibê Sêşembê 6ê Nîsana 2021ê tîmên antî-terorê yên ser bi Rêveberiya Giştî ya Polîsên Stenbolê ve, li ser raspardeya Dozgerê Giştî yê Stenbolê operasyonek bo ser endam û alîgirên Partiya Demokratîk a Gelan (HDP) dan destpêkirin.
Di çarçoveya operasyonê de, tîmên polîsan li 9 bajarokên Stenbolê bi ser çendîn navnîşanan de girtin.
Li gor zanyariyan di encama biserdegirtina wan cihan de, hêzên ewlehiyê yên Tirkiyê 8 kes desteser kirin, ku endam û alîgirên HDPê ne, lê nasnameya wan hêj nehatiye diyarkirin.
Kesên desteserkirî bi armanca lêpirsînê bo Rêveberiya Giştî ya Polîsên Stenbolê hatin şandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse