Erdogan û Guterres li ser rewşa Sûriyeyê axivîn

Hewlêr (Rûdaw) - Serokkomarê Tirkiyeyê Recep Tayyîp Erdogan û Sekreterê Giştî yê Neteweyên Yekbûyî Antonio Guterres bi telefonê li ser bipêşketinên li Sûriyeyê axivîn.

Serokatiya Ragihandinê ya Serokkomariya Tirkiyeyê ragihand di dema ku civîna Desteya Ewlekariya Nîştimanî ya Tirkiyê (MGK) bi rê ve diçû Erdogan û Guterresê bi rêya telefonê axivîne

Li gorî daxûyaniyê di hevdîtinê de Erdogan diyar kiriye ku rewşa Sûriyeyê ketiya qonaxeke nû û daxwaza Tirkiye ew e Sûriye nekeve nav rewşeke aloztir û kuştina sivîlan zêde nebe.

Her wiha Erdogan amaje bi wê yekê daye ku di vê qonaxê de divê Sûriye bi awayekî bilez ji bo çareseriyeke siyasî ya berfireh bi gelê xwe re bibe yek.

Erdogan gotiye ku ji bo aloziya heye kêm bibe, sivîl bên parastin û pêşiya pêvajoya siyasî vebe Tirkiye di nav hewildanê de ye û dê li ser vê yekê jî berdewam be.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger