Hewlêr (Rûdaw) - Wezîrê Enerjî û Çavkaniyên Xwezayî yê Tirkiyeyê Alparslan Bayraktar ragihand ku di 6 mehên destpêka îsal de ji ber deynê xwe nedane gaza xwezayî ya 122 hezar û 987 aboneyan û elektrîka 69 hezar û 278 aboneyan hatiye qutkirin.
Parlamenterê CHPyê Omer Fethî Guler di pirsekê de ji Wezîrê Enerjî û Çavkaniyên Xwezayî yê Tirkiyeyê Alparslan Bayraktar xwest ku amarên derbarê kesên elektrîk û gaza wan a xwezayî ji ber nedana fature û deynan hatiye qutkirin, eşkere bike.
Alparslan Bayraktar wekî bersiv ragihand ku di 6 mehên destpêka îsal de li Tirkiye û Bakurê Kurdistanê elektrîka 69 hezar û 278 aboneyan ji ber nedana deyn hatiye qutkirin.
Bayraktar herwiha eşkere kir ku bi heman awayî ji ber nedana deyn gaza xwezayî jî li ser 122 hezar û 987 aboneyan hatiye qutkirin.
Omer Fethî Guler li ser bersiva Wezîrê Enerjî û Çavkaniyên Xwezayî got:
“Ji ber deynan qûtkirina elektrîka derdora 70 hezar aboneyan bi bihabûna jiyanê ya li Tirkiyeyê ve girêdayî ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse