Hewlêr (Rûdaw) - Li bajarokê Menemenê yê ser bi bajarê Izmîrê yê Tirkiyê ve jineke ducanî ya xelka Sûriyê û kurê wê yê 5 salî di mal de mirî hatin dîtin. Di çarçoveya lêpirsînan de jî kesek hat desteserkirin.
Bûyer, doh Duşemê demjimêrên sibehê li taxa Irmak a bajarokê Menemene ya ser bi bajarê Izmîrê ve qewimiye.
Li gor agahiyên hatine belavkirin, dengê giriya zarokekê ji maleke xelkê Sûriyeyê hatiye bihîstîn û piştî cîran agahdar dibin û ji giriyê wî zarokî bi goman dibin, cîran dikevin hundirê malê û dibînin ku jinek mirî ye û zaroka wê ya 2 salî jî li ber serê wê digirî.
Herwiha li odeyeke din a heman malê, termê zarokekî 5 salî jî hatiye dîtin ku li gor zanyariyan kurê wê jinê ye û hatiye fetisandin.
Medyaya Tirkiyê navê wê jinê wek Menar Ehmed û navê zarokê 5 salî jî wek Mihemed C. daye xuyakirin.
Piştî ku hêzên polîs û tîmên tendirsutiyê ji bûyerê têne agahdarkirin, ew digihin cihê bûyerê û di lêkolînên destpêkê de derdikeve holê ku ew jina hatiye kuştin, 5 mehî ducanî bûye û bi 6 kêran hatiye kuştin.
Piştî lêkolînên dozger, cenazeyên wê jinê û kurê wê yê 5 salî bo morga Nexweşxaneya Dewletê ya Menemenê hatin veguhestin.
Di çarçoveya lêpirsînên li ser bûyerê de, 3 kes hatine desteserkirin. Polîs ragihandiye, lêkolînên derbarê bûyerê de berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse