Hewlêr (Rûdaw) - Li navçeya Aladag a ser bi bajarê Edenê yê Tirkiyê ve erdhejeke bi hêza 3.9 pileya rîxterê çêbû.
Rêveberiya Karesat û Rewşên Bilez (AFAD) ragihand îro roja Şemiyê 3ê Hezîrana 2023an li navçeya Aladag a Edenê erdhejek bi hêza 3.9 pileya rîxterê çêbûye.
Li gor AFADê ew erdhej di demjimêr 13.34an de li kûrahiya 5.36 kîlometrayan pêkhatiye û navenda wê navçeya Aldag e.
Heta niha derbarê zererên wê erdhejê de ti daxuyaniyek nehatiye belav kirin.
Erdhejên 6ê Sibata 2023an jî zerereke mezin a canî û maddî gihandibûn Edenê. Li gor amaran di wan erdhejan de li Edenê zêdeyî 146 kesan di erdhejên 6ê Sibatê de canê xwe ji dest dane û zêdeyî 2 hezar û 600 kes jî birîndar bûne. Ev di demekê de ye 18 avahiyên li Edenê jî bi temamî hilweşiyabûn û zererek giran gihiştibû 85 avahiyan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse