Hewlêr (Rûdaw) - Dayikên Şemiyê ku ji sala 1995an û vir ve li Meydana Galatasarayê ji bo aqûbeta xizmên xwe yên di binçavan de hatin windakirin bipirsin û kiryar bên darizandin çalakiya rûniştinê li dar dixin, di hefteya 949'an de jî ji aliyê polîsan ve hatin astengkirin.
Xizmên windayan û parêzvanên mafên mirovan bi kelepçeyên berovajî hatin binçavkirin.
Piştî ku Dadgeha Destûrê ya Bingehin a Tirkiyê biryar da ku “qedexekirina rûniştinê ya li Meydana Galatasarayê binpêkirin e”, Dayikên Şemiyê 8 hefte ne her roja Şemiyê li Meydana Galatasarayê tên cem hev.
Dayikên Şemiyê yên ku dixwazin qurnefîlan li qadê deynin û daxuyaniyê bidin çapemeniyê, tevî biryara Dadgeha Destûra Bingehîn jî her tim rastî mudaxeleya polîsan tên.
Di vê hefteyê de jî polîsan destûr nedan Dayikên Şemiyê ku aqûbeta xizmên xwe bipirsin û Dayikên Şemiyê û parêzvanên mafên mirovan bi kelepçeyên berevajî ve desteser kirin.
Navê kesên di mudaxeleya îro ya polîsan de hatin desteserkirin wiha ne: Hanife Yildiz, Îrfan Bîlgîn, Besna Tosûn, Alî Ocak, Alî Tosun, Eren Keskîn, Gulseren Yolerî, Leman Yurtsever, Nazim Dîkbaş, Cîhan Kaplan, Asli Takanay, Hunkar Hudaî Yurtsever, Taylan Bekîn.
Kayıp yakınları ve hak savunucuları ters kelepçe yapılarak gözaltına alındı.#CumartesiAnneleri949Hafta pic.twitter.com/8DYg8X6nDw
— Cumartesi Anneleri (@CmrtesiAnneleri) June 3, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse