![Komeleya Rojnamevanan a Dicle Firatê, raporta Adara 2022ê ya binpêkirinên dijî rojnamevanan eşkere kir Komeleya Rojnamevanan a Dicle Firatê, raporta Adara 2022ê ya binpêkirinên dijî rojnamevanan eşkere kir](https://www.rudaw.net/s3/rudaw.net/ContentFiles/642134Image1.jpg?mode=crop&quality=70&rand=1&scale=both&w=752&h=472&version=4539096)
Komeleya Rojnamevanan a Dicle Firatê, raporta Adara 2022ê ya binpêkirinên dijî rojnamevanan eşkere kir
Hewlêr (Rûdaw) - Komeleya Rojnamevanan a Dicle Firatê (DFG) ragihand ku di Adara 2022ê de bo 13 rojnamevanan 32 sal cezayê girtîgehê hatiye dayîn û 4 jî ketine ber êrîşê.
Komeleya Rojnamevanan a Dicle Firatê, raporta Adara 2022ê ya binpêkirinên dijî rojnamevanan eşkere kir. Li gor raportê di meha Adarê de 6 rojnamevan hatine desteserkirin, 4 rojnamevan rûbirûyê helwesta xirab û êrîşê bûne û bo 13 rojnamevanan jî bi giştî 32 sal cezayê girtîgehê hatiye dayîn.
Di raportê de amaje bi wê yekê tê kirin ku derbarê jiyan û ewlekariya rojnamevanan de binpêkirinên cidî hene û karkirina wan tê astengkirin. Herwiha li gor raportê di meha Adarê de 6 malper ji ber nûçeyên belav kirine hatine astengkirin û heta 2 Nîsana 2022ê hejmara rojnamevanên girtî wek 63 kes hatiye diyar kirin.
Koalîsyona Jinan a Rojnamevaniyê (CFWIJ) ragihandibû ku di meha Adara îsal de li Tirkiyê herî kêm 10 ronamevanên jin rûbirûyê tûndûtîjî, gefxwarin û destdirêjiyê bûne û 9 jin jî ji ber karûbarên xwe yên rojnamevaniyê hatine darizandin.
Di raporê de hatiye diyarkirin ku 2 rojnamevanên jin di dema şopandina şerê Rûsya û Ukraynayê de hatine kuştin û 11 jî derketine pêş dadwer.
Li gor raporê di Adara 2022ê de li cîhanê herî kêm 33 rojnamevanên jin ji ber karên xwe yên rojnamevaniyê rûbirûyê tûndûtîjî, gefxwarin û destdirêjiyê bûne ku 10 ji wan li Tirkiyê bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse