Hewlêr (Rûdaw) - Mehmet Emîn Sosin û Asim Demîr ên ku 30 sal in di Girtîgeha Girtî ya Tîpa L ya Gîresûn-Espiye de girtî ne, hatin berdan.
Mehmet Emîn Sosin û Asim Demîr her du jî 66 salî ne û piştî 30 salî ji girtîgehê hatin berdan.
Sosin li ber girtîgehê ji aliyê xizmên xwe ve hat pêşwazîkirin û hat dîtin ku ew dema dimeşe zehmetiyan dikişîne û bi gopal dimeşe.
Mehmet Emîn Sosin ji aliyê xizmên xwe ber bi Edeneyê ya ku malbata wî lê dimîne hat birin û Demîr jî ber bi navçeya Nisêbîna Mêrdînê bi rê ket.
Sosin û Demîr sala 1993yan hatin girtin û cezayê muebetê li wan hat birîn
Mehmet Emîn Sosin sala 1993yan li navçeya Hezexê ya Şirnexê hat desteserkirin û ji aliyê Dadgeha Ewlehiya Dewletê (DGM) ve bi îdiaya “xirabkirina yekîtiya dewletê” cezayê heta hetayê lê hat birîn.
Sosin ê ku li gelek girtîgehan ma, di lîsteya girtiyên nexweş ên giran ên Komeleya Mafên Mirovan (ÎHD) de cih digirt.
Asim Demîr jî sala 1993an li navçeya Nisêbînê ya Mêrdînê hat desteserkirin û bi heman hincetê ji aliyê Dadgeha Ewlehiya Dewletê ya Amedê ve cezayê heta hetayê lê hat birîn.
Rêhevalên me Mehmet Emîn Sûsin û Asim Demîr piştî têkoşîna 30 salan zêdetir şûn de ji Girtîgaha Gîresun a Espîye yê îro tahliye bûn û ew hatin pêşwazî kirin û wê ber bi bajarên Hezex û Nisêbîn ve bi rêbikevin.
— Mehmet Zeki İrmez (@zekiirmez) November 2, 2023
Têkoşîna azadî, aşitî û demokrasiyê ya gelê Kurd dê yek bi yek… pic.twitter.com/4AovMvrJwY
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse