Wêneyên Ahmet Şik ên bi polîsan re bûn rojev: ‘Şerm e’

Hewlêr (Rûdaw) – Roja ku Dayikên Şemiyê hatin desteserkirin Parlementerê TÎPê Ahmet Şik bi polîsan re wêne girtin.

Şik di wêneyan de radije destên polîsan, bi wan re dikene û pozên semîmî dide.

Ev wêneyên Ahmet Şik ên bi polîsan re bûn rojev.

Siyasetmendarê Kurd Ferhat Encu wêne parve kirin û got, “Şerm e.”

Parlementerê berê yê Partiya Demokratîk a Gelan (HDP) Ferhat Encu li ser hesabê xwe yê Xê Parlementerê Partiya Karkerên Tirkiyeyê (TÎP) Ahmet Şik rexne kir.

“Bi gotina herî hêsan şerm e”

Ferhat Encu di parvekirina xwe de got:

“Bi gotina herî hêsan şerm e ku tu destên wan fermandaran bigirî û bi wan re mil bi mil xuya bikî ku wan fermana gelek şkenceyan daye û tevlî gelek şkenceyan bûne, nexasim di vê roja ku Dayikên Şemiyê hatine desteserkirin de.”

Bir çok işkence talimatını veren ve birçok işkenceye karışan amirlerle tokalaşmak, sarmaş-dolaş olmak hemde Cumartesi Anneleri gözaltına alındığı günde bunu yapmak en hafif tabirler ayıptır! pic.twitter.com/2JliXl8yzW

— Ferhat Encu (@FerhatEncu) October 1, 2023

Piştî parvekirina Ferhat Encu, wêneyên Ahmet Şik ên bi polîsan re di torên civakî de bûn rojev.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger