Hewlêr (Rûdaw) - Li parêzgeha Denîzliyê ya Tirkiyeyê barhilgireke ku barê wê qûm bû ji kontrola şofêr derket û derbasî aliyê din ê rê bû û li otobûseke rêwiyan da.
Di bûyerê de 6 kesan canê xwe ji dest da û 43 kes jî birîndar bûn.
Bûyer serê sibehê di demjimêr 05:00an de li Taxa Kocabaşê ya navçeya Honazê ya Denizliyê çêbû.
Li gor agahiyên hatine belavkirin, barhilgira ku barê wê qûm bû ji kontrola şofêr derketiye û derbasî aliyê din ê rê bûye û li otobûsa rêwiyan daye.
Li ser agahdarkirinê, cendirme, polîs û tîmên tenduristiyê çûn cihê bûyerê.
Di bûyerê de 5 kesên di otobûsê de li cihê bûyerê û kesekî din jî li nexweşxaneyê canê xwe ji dest da.
Herwiha 43 kes jî birîndar bûn û ew birin nexweşxaneyan.
Hat ragihandin ku rewşa tenduristiyê ya hinek birîndaran giran e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse