Hewlêr (Rûdaw) - Li navçeya Kozanê ya parêzgeha Edeneyê otomobîl û minîbûsek li hev qelibîn û di encam de ji heman malbatê 5 kesan canê xwe ji dest da û 10 kes jî birîndar bûn.
Li ser rêya Kozan-Fekeyê nêzîkî herêma Bendava Kozanê otomobîlek û minîbûsek li hev qelibîn.
Li ser agahdarkirinê cendirme û tîmên tenduristiyê çûn cihê bûyerê.
Tîmên tenduristiyê ragihand ku şofêrê otomobîlê Zeynel Guleç, hevjîna wî Ulku Guneş û zarokên wan Bedîrhan, Emîrhan û Dîlek Guleç canê xwe ji dest daye.
Her wiha di mînîbusê de jî 10 kes birîndar bûn û tîmên tenduristiyê ew birin nexweşxaneyên cuda yên Edeneyê.
Derbarê bûyerê de lêkolîn berdewam e û şofêrê mînîbûsê hatiye desteserkirin.
Wezîrê Karên Navxwe yê Tirkiyeyê îro ragihandibû ku di 4 rojên betlaneya Cejna Remezanê de di encama qezayên trafîkê de 34 kesan canê xwe ji dest daye û careke din hişyarî da ku welatî li gorî rênimayan tev bigerin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse