Hewlêr (Rûdaw) – Li navçeya Karabaglarê ya parêzgeha Îzmîrê ya Tirkiyeyê, Umut Akbaşê 34 salî şeva borî piştî ku keçeke xwe kuşt û yek jî birîndar kir gule berda serê xwe.
Li Taxa Abdî Îpekçiyê ya Karabaglarê, Umut Akbaş li mala xwe bi demançeyê gule berdan keçên xwe Seda Akbaşa 10 salî û Tugçe Akbaşa 6 salî.
Akbaş piştre bi heman demançeyê gule berda serê xwe û hewla da xwe bikuje.
Li ser agahîdayîna cîranan tîmên tenduristiyê û polîs çûn cihê bûyerê.
Tîman Umut Akbaş û her du keçên wî veguhastin Nexweşxaneya Perwerde û Lêkolînê ya Bozkayayê û Nexweşxaneya Perwerde û Lêkolînê ya Zanîngeha Katîp Çelebiyê.
Tevî midaxeleya li nexweşxaneyê jî Tugçe Akbaşê canê xwe ji dest da.
Tedawiya Umut Akbaş û Seda Akbaşê jî berdewam dike.
Tê îdiakirin ku pirsgirêkên derûnî yên Umut Akbaş hebûne û demek e ew û hevjîna xwe cuda dijîn.
Akbaş bi rêya mirovên xwe xwestiye ew û hevjîna xwe li hev werin lê hevjîna wî daxwaza wî red kiriye.
Akbaş ji hevjîna xwe xwestiye ku demekê li malê bi zarokên xwe re bimîne û vê bûyerê rû daye.
Dema bûyerê hevjîna wî ne li malê bûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse