Hewlêr (Rûdaw) - Serokê Herêma Kurdistanê Nêçîrvan Barzanî di çarçoveya Foruma Dîplomasiyê ya Antalyayê de bi Wezîrê Parastinê yê Tirkiyeyê Yaşar Guler re hevdîtnek kir.
Li gorî daxuyaniya Serokatiya Herêma Kurdistanê, di civînê de pêşhatên dawî yên di derbarê ewlehiya Rojhilata Navîn û metirsiya terorê hatin gotûbêjkirin.
Nêçîrvan Barzanî û Yaşar Guler li ser girîngiya parastina aştî û aramiya herêmê û hewldana ji bo rêgirtina zêdebûna aloziyan hevra bûn.
Di hevdîtinê de her du aliyan tekezî li ser pêşxistina pêwendiyên Tirkiyeyê yên bi Îraq û Herêma Kurdistanê re jî kir.
Serokê Herêma #Kurdistan`ê Nêçîrvan #Barzanî di çarçoveya Foruma Dîplomasiyê ya Antalyayê de bi Wezîrê Parastinê yê Tirkiyeyê Yaşar Guler re hevdîtnek kir pic.twitter.com/KLW6GABeEc
— RudawKurdi (@RudawKurdi) March 2, 2024
Sêyemîn Foruma Dîplomasiyê ya Antalyayê îro dest pê kir û dê heta 3yê Adarê berdewam bike.
Wezareta Karên Derve ya Tirkiyeyê serpereştiya forumê dike.
Serok û serokwezîr û rayedarên 147 welatan beşdarî forumê dibin.
Serokê Herêma Kurdistanê Nêçîrvan Barzanî jî yek ji mêvanên forumê ye.
Serokê Herêma Kurdistanê Nêçîrvan Barzanî doh li Antalyayê di çarçoveya forumê de bi Serokkomarê Tirkiyeyê Recep Tayyîp Erdogan re civiyabû.
Serokê Herêma Kurdistanê Nêçîrvan Barzanî îro bi Serokkomarê Bulgaristanê Rumen Radev re civiya.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse