Zuhtu Arslan dîsa weke serokê Dadgeha Destûra Bingehîn hat hilbijartin

Hewlêr (Rûdaw) - Ji bo Serokatiya Dadgeha Destûra Bingehîn a Tirkiyê cara sêyemîn dîsa Zuhtu Arslan hat hilbijartin.

Ji ber ku dema erka Zuhtu Arslan ku 4 sal e, di 13yê Sibatê da temam dibe, li Lijneya Giştî ya Dadgeha Destûra Bingehîn hilbijartin hat kirin.

Di hilbijartinê de ku serok û endamn Dadgeha Destûra Bingehîn bi nepenî dengê xwe bikar anîn dîsa Zuhtu Arslan hat hilbijartin.

Zuhtu Arslan ji 15 endaman dengê 8 endam wergirt û cara sêyemîn hat hilbijartin.

Berbijêrên din Îrfan Fidan 5 deng û Kadîr Ozkaya 2 den wergirtin.

Zuhtu Arslan ku di 17ê Nîsana 2012an de ji aliyê Serokkomarê wê demê Abdullah Gul ve ve weke endamê Dadgeha Destûra Bingehîn hatibû destnîşankirin, di 10ê Sibata 2015an de cara ewil ji bo Serokatiya Dadgeha Bilind hatibû hilbijartin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger