Hewlêr (Rûdaw) - Serokkomarê Tirkiyê û Serokê AKPê Recep Tayyip Erdogan û Serokê MHPê Devlet Bahçelî li Enqerê dicivin. Di rojeva Erdogan û Bahçelî de pêvajoya hilbijartinê heye.
Recep Tayyip Erdogan, îro 2ê Sibata 2023ê li mala wî ya li Çayyolu serdana Devlet Bahçelî dike.
Tê çaverêkirin di civînê de pêvajoya hilbijartinê û yasayên ku bên derxistin ji aliyê her du lîderan ve bên gotûbêjkirin.
Erdogan û Bahçelî herî dawî 13ê Kanûna 2022ê hatibûn ba hev.
Erdogan pêştir ragihandibû ku hilbijartinên serokkomariyê û yên giştî dê 14ê Gulana 2023ê bêne kirin.
Ji aliyê din ve Hevpeymaniya Ked û Azadiyê ku HDP pêşengiya wê dike, îro 2ê Sibatê ji bo gotûbêjên berbijêrê serokkomariyê li Enqerê dicive.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse