Erdogan ji Sûdanî re behsa PKK û Îsraîlê kir

Hewlêr (Rûdaw) - Serokkomarê Tirkiyeyê Recep Tayyîp Erdogan û Serokwezîrê Îraqê Mihemed Şiya Sûdanî li Stenbolê li hev rûniştin.

Li gorî daxuyaniya ku Serokatiya Pêwendiyan a Serokkomariya Tirkiyeyê daye, “pêwendiyê Îraq û Tirkiyeyê û mijarên herêmî û cîhanî” hatine nirxandin.

Erdogan daxuyand, “Rêxistinên terorê hem ji bo Tirkiyeyê û hem jî ji bo Îraqê metirsî ne.”

Recep Tayyîp Erdogan got ku “gavên erênî yên Îraqê yên li hemberî PKKyê “ Tirkiyeyê memnûn dikin.

Serokkomarê Tirkiyeyê anî zimên ku di navbera her du welatan de pêwendiyên dîrokî û çandî hene û bipêşxistina pêwendiyan û nirxandina derfetên hevkariyê yên wekî Rêya Bipêşketinê dê gelek sûdan bigihîne her du welatan.

Erdogan amaje pê kir, “Êrişkariya Îsraîlê ya ku li herêmê roj bi roj berbelav dibe hem ji bo aştiya herêmê û hem ji bo ya cîhanê gef e.”

Serokkomarê Tirkiyeyê Recep Tayyîp Erdogan û Serokwezîrê Îraqê Mihemed Şiya Sûdanî li Stenbolê li hev rûniştin

📸 Serokkomariya Tirkiyeyê pic.twitter.com/14Z6MdQkvm

— RudawKurdi (@RudawKurdi) November 1, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger