Hewlêr (Rûdaw) - Parêzgariya Stenbolê ji bo kuştina Hekîm Luqmanê Dihokî bê ronîkirin şandeyeke erkdar kir.
Karsazê ji Dihokê Hekîm Luqman li bajarê Stenbolê ji ber ku bi Kurdî diaxîvî ji aliyan 12 kesan kesan ve bi kêrê hat kuştin.
Nûçegihanê Rûdawê Omer Sonmez derbarê bûyerê agahiyên herî dawî dan.
Omer Sonmez da zanîn ku Alîkarê Parêzgarê Stenbolê, Buroyên Cînayet û Asayîşê yên Rêveberiya Ewlehiyê ya Stenbolê li Tiba Edlî ya Stenbolê lêkolînê dikin.
Konsulxaneya Giştî yê Îraqê ya Stenbolê, ji bo bûyerê bişopîne diplomatê bi navê Tahir Resûl erkdar kir.
Resûl dê here Tiba Edlî ta Stenbolê û ji berpirsên Tirkiyeyê agahiyan wergire
Çi bûbû?
Karsazê bi navê Hekîm Luqman ê ji Dihokê, li navçeya Fatîhê ya Stenbolê rastî êrişa bi kêran hat û jiyana xwe ji dest da.
Duh bi şev 10-12 kesan ji ber bi Kurdî diaxivîn êrişî Hekîm Luqman û biraziyek û pismamekî wî kir.
Kesên ku êriş kirî ji cihê bûyerê reviyan.
Cenazeyê Hekîm Luqman ji bo otopsiyê li Saziya Tipa Edlî ya Stenbolê tê girtin.
Hekîm Luqmanê Dihokî li Stenbolê hat kuştin
— RudawKurdi (@RudawKurdi) September 1, 2024
🎤Ji ber ku bi #Kurdî axiviye 3-4 kêr li dilê wî xistine
🎤 Xelkê temaşe kiriye, ambulans dereng hatiye
🎤 Medyaya Tirkiyeyê qet behsa bûyerê nake
🎤Nûçegihanê Rûdawê Omer Sonmez li Stenbolê bûyerê dişopîne û agahiyên herî nû dide pic.twitter.com/AOSzJ2KV0r
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse