Îsraîlê êrişî Balafirgeha Helebê kir: Bi dehan leşker hatin kuştin

Hewlêr (Rûdaw) – Hat ragihandin ku Îsraîlê êrişî Balafirgeha Helebê û febrîqeyên li navçeya Sefîreyê kiriye.

Çavkaniyên ku AFPyê re axivîn, destnîşan kir ku di vê êrişê de herî kêm 36 leşkerên Sûriyeyê hatine kuştin û bi dehan kes jî birîndar bûne.

Li hêla din, hat gotin ku sîstema parastinê ya asmanî bersiv daye êrişên Îsraîlê.

Herwiha hat ragihandin ku Îsraîlê cebilxaneyên Hizbulaha Libnanê yên li Helebê jî kirine hedef.

Piştî ku sala 2011an şerê navxwe yê Sûriyeyê dest pê kir, Îsraîl gelek caran êrişî balafirgehên Şam û Helebê, komên ku Îran piştgiriyê dide wan û baregehên artêşa Sûriyeyê dike.