Hêzên hikûmeta Sûriyê gundek li rojhilatê Idlibê topbaran kirin

Hewlêr (Rûdaw) - Hêzên hikûmeta Sûriyê şeva bihorî gundek li rojhilatê bajarê Idlibê topbaran kirin.

Li gor çavkaniyên xwecihî, hêzên hikûmeta Sûriyê gundê Afes li rojhilatê bajarê Idlibê li bakurê rojavayê Sûriyê bi topxaneyê kirin armanc.

Gundê Afes li ser xêza rûbirûbûna hêzên hikûmeta Sûriyê û çekdarên opozisyona Sûriyê û Desteya Tehrîr el-Şam e û tenê 3 kîlometreyan dikeve bakurê rêya M4.

Heta niha ti zanyarî derbarê zerar û ziyanên topbaranê de nehatine eşkerekirin.