Hewlêr (Rûdaw) - Li başûrê Sûriyê, çekdarên Cebhet El-Nusra, berî ku ji herêmê vekişinin, deriyê sînorî yê Quneytera ku ser sînorê Îsraîlê ye, şewîtandin.
Li gorî ragihandina xwecihî ya li parêzgeha Quneytera ya Sûriyê, çekdarên Cebhet El-Nusra ku şerê hikûmeta Sûriyê dikin, berî ku ji navçeya ser sînorê Sûriyê û Israîlê vekişin, agir berdane deriyê sînorî yê di navbera herdu welatan de.
Li gorî wan çavkaniyan, di encama bûyerê de zirarên canî çênebûne û ziyan tenê maddî bûne.
Vekişîna çekdarên Cebhet El-Nusra ji navçeyên sînorî yên di navbera Îsrîal û Sûriyê de, di demeke de ye ku rêkevtinek di navbera girûpa navhatî û hikûmeta Sûriyê de çêbûye.
Li gorî wê rêkevtinê, dê çekdarên Cebhet El-Nusra digel malbatên xwe ji bo parêzgeha Idlibê li bakurê Sûriyê ku niha di bin kontrola çekdarên opozisyonê de ye, bihêne veguhestin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse