Navenda Nûçeyan – Li navçeya Babê di encama teqîna bombeyeke bi dest hatibû çêkirin leşkerekî Artêşa Tirkiyê di encama de hat kuştin û du leşker jî birîndar bûn.
Artêşa Tirkiyeyê bi daxuyaniyekê ragihand, ku di çarçoveya operasyona Mertala Firatê de, ku Artêşa Azad a Sûriyê û Artêşa Tirkiyeyê bi hev re di nav axa Sûriyeyê de dimeşînin, îro li navçeya Babê bombeyekê DAIŞê teqiye û di encamê de leşkerê bi navê Yavuz Işcan jiyana xwe ji dest daye û 2 leşkerên din jî birîndar bûne.
Hate gotin, ku leşkerên birîndar rakirine Nexweşxaneya Kilîsê û cenazeya leşkerê kuştî jî şandine Saziya Bijîşkiya Dadwerî ya bajarê Dîlokê.
Operasyona Mertala Firatê di 14ê Tebaxê de dest pê kir û heta niha 73 leşkerên tirk hatine kuştin.
Serokomarê Tirkiyê Receb Tayib Erdogan di roja 23 kanûnê 2016ê de got, kêm maye em Babê rizgar bikin.
Cîgirê Serokwezîrê Tirkiyê û Berdevkê Hikûmetê Numan Kurtulmûş piştî civîna encûmena wezîran a bi serpereştiya Erdogan, roja 20ê Sibatê got; "Piraniya Babê hatiye rizgarkirin û niha hêzên Mertala Firatê bajê paqij dikin."
Lê ragihandinên DAÎŞê jî dibljin, ji sedî 90 ji Babê hîn di destê wan de ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse