Hikûmeta Sûriyê nirxê genim û ceh diyar kir
Hewlêr (Rûdaw) - Hikûmeta Sûriyê nirxê kirîna berhemên genim û ceh ê îsal ji cotkaran diyar kir. Li gorî hikûmeta Sûriyê dê her kîloyekî genim bi 2 hezar û 300 lîreyên Sûrî û her kîloyek ceh jî 2 hezar lîreyên Sûrî bikire.
Encûmena Wezîran a Sûriyê ragihand ku wan ev nirx piştî hesabkirina mesrefê berhemanînê diyar kiriye.
Hikûmeta Sûriyê ragihand ku dê cotkar serê her kîloyekî ji %35 qezenc bikin û ev yek jî wê wiha bike ku cotkaran bixwazin ceh û genimê xwe bifroşin hikûmetê.
Heriwha heta niha Rêveberiya Xweser nirxê wergirtina genim yê îsal diyar nekiriye.
Sala borî, Hikûmeta Sûriyê ji bo her kîloyek genim 2 hezar lîreyên Sûrî diyar kiribû û Rêveberiya Xweser jî 2 hezar û 200 lîre ji bo her kîloyek genim diyar kiribû.