Hewlêr (Rûdaw) - Li Balyozxaneya Çînê ya Şama paytexta Sûriyê, Heyva Sor a Sûrî yadaştnameya wergirtina 2520 ton birinc ligel hikûmeta Çînê îmze kir.
Di vê çarçoveyê de, Serokê Rêxistina Heyva Sor a Sûrî Xalid Hibûbatî ragihand ku wan heta niha 6 karwanên alîkariyê yên birincê ji Çînê wergirtine û karwanê dawî jî 2520 ton birinc bû.
Ji aliyê xwe ve, Balyozê Çînê yê Şamê Fing Biau ragihand ku di sala 2021ê de wan 4 hezar ton birinc wek alîkarî dane gelê Sûriyê, daku derd û êşên wan sivik bikin.
Di Sibata 2021ê de, Çînê bi sed hezaran qurçikên vaksîna dijî Coronayê ligel 20 amûrên henasedanê û 750 ton birinc wek karwanê yekem ê alîkariyê dabû Sûriyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse